dair tak jagna sitaron ka

dair tak jagna sitaron ka
mujh ko aisa guman hota hai
jese on ko bhi pyar ho tujh se

..................

Ankhon ko intizar ka de ker hunar chala gaya

Ankhon ko intizar ka de ker hunar chala gaya
chaha tha aik shaks ko jane kidher chala gaya

din ki wo Mehflain gaye raaton ke rut-jage gaye
koi samait kar mere shaam-o-sahar chala gaya

jhonka hai aik bahar ka rung-e-khayal yaar bhi
her-soo bikher bikher gaye khushbo jidher chala gaya

is ke he dum se dil main aaj dhoop bhi chandni bhi hia
de ke wo apni yaad ke shams-o-qamar chala gaya

kocha ba kocha dar-badar kab se bhatuk raha hai dil
hum ko bhula ke rah wo apni dagar chala gaya

..............................................

zaraa saa qataraa kahiin aaj agar ubharataa hai

zaraa saa qataraa kahiin aaj agar ubharataa hai
samandaron hii ke lahaje mein baat karataa hai

Khulii chhaton ke diye kab ke bujh gaye hote
koii to hai jo havaaon ke par katarataa hai

sharaafaton kii yahan koii ahamiyat hii nahiin
kisii kaa kuchh na bigaaro to kaun Darataa hai

zamiin kii kaisii viqaalat ho phir nahiin chalatii
jab aasmaan se koii faisalaa utarataa hai

tum aa gaye ho to phir kuchh chandanii sii baaten hon
zamiin pe chaand kahan roz roz utarataa ha

.........................................................

ye tajarubaa bhii karun ye bhii kar dikhalaaun main

ye tajarubaa bhii karun ye bhii kar dikhalaaun main
ki Khud ko yaad rakhun us ko bhuul jaaun main

fareb-e-kaar mein kuchh to hai koii baat to hai
ki jaan buujh ke itane fareb khaaun main

vo pal kahan hain jo duniyaa se jortaa thaa mujhe
jo paaun tujh ko to sab ke qariib aaun main

kabhii to ho mere ehasaas-kam-tarii mein kamii
kabhii to ho ki use khul ke aaun main

vo shakhs hai ki nasiim-e-sahar kaa jhonkaa hai
bikhar hii jaaun jo us ko gale lagaaun main

azan ke baad duaa ko jo haath uthaaye vo
'Imam' apanii namaazen bhii bhuul jaaun main

.......................................................

kyun zindagi ki rah main majboor hogae

kyun zindagi ki rah main majboor hogaee
itney howe qareeb key hum door hogaee

esa nahi key hum ko koi bhi khushi nahi
leikin ye zindagi tu koi zindagi nahi

kion is key faseley humein manzoor hogee
itney howe qareeb key hum door hogaee

paya tumhain tu hum ko laga tum ko khu dia
hum dil pey roee or ye dil hum pey roo dia

palkoon sey khawab kion girey kion choor hogaee
itney howe qareeb key hum door hogae

kyun zindagi ki rah main majboor hogaee
itney howe qareeb key hum door hogaee

...................................................

koi poch ley tou main kia kahon

koi pooch ley tou main kia kahoon
ussey kia bataoun
yeh roz-o-shab tou janam janam per muheet hai
meray zakhm zakhm dil-o-nazar
mujhey iss janam mein nahin miley
meray rat-jagey meray ham-safar
meray saath aaj nahin chaley
yeh maheeb wehshat-e-fiker joo
meray naqsh nqash ki rooh hai
koi bey-sabaat bayaa'n nahin
yeh aasmaaoun ka aks hai
yeh tou dewtaaoun ka dhiyaan hai
yeh tuu jeeney kaisee
sadi sadi ki aziiyatoun ka bayaan hai
yeh ajeeb meray gham-o-alam
yeh naseeb sang-e-siyaah per
yeh warq warq pey garhey qalam
yeh qaraa hisaar nayaa nahin
mera intizaar qadeem hai
mera uss sey piyaar qadeem hai
yeh ajeeb meri muhabbbatin

............................................

zabt-e-gam-e-dil aasan

zabt-e-gam-e-dil aasan, izhar wafa mumkin
hone ko ye sab mumkin, milna tera na mumkin
nalon ka sar mumkin, taseer dua mumkin
is hone pe har she ke, kuch bhi na hua mumkin
is alam imkan mein kya hai jo hai namumkin
dhoondo to mile unqa, chaho, khuda mumkin
jis ko teri kwahish mein dunya se nahen matlab
os ke leye yaksan hai har mumkin o namumkin
be ja bhi sahi shikwa, gussa tumhaen kyon aya
mein bhi to bashr hi hon, insan se khata mumkin
do gaz hai zameen kafi, basti ho ke weerana
parr rehne ko jaa aasan, marmitne ko jaa mumkin
marna wo hi chahe ga, jeena jise mushkil ho
phir zaher hi kyon khate, hoti jo dawa mumkin
ai aarzoo an mein hon aur ishq ki ruswaee
khamosh bhi gar bethon chatcha na ho kya mumkin

......................................

mere labon pe saji hai dua

mere labon pe saji hai dua

Meray lubon pey sajji hai Dua kisi key Liye
Meray Khuda mujhe hansna sikha kisi key Liye


Mujhe yaqeen hai yeh mujh sey na hoo sakey ga magar
Mein ker raha hon kisi sey wafa kisi key Liye


Nahin milounga agar khoo diya to ney
Na apney haath sey gawa mujhe kisi key Liye


Meray janoon ko to yeh baat bhi ganwara hai
Meray Liye na sahi phir bhi Aaa kisi key Liye

Mein saath saath hon uss key baadbaan ki tarah
Meray Khuda meri sansein barha kisi key liye

..................................................

agar tum aaeena dekho

agar tum aaeena dekho
to apne aap se nazren chura lena
ke aksar bewafa logon ko
jab wo aaeena dekhen to
ankhen 'chor' lagti hain"

.....................

Raat Yon Dil Main Teri Khoi Hui Yaad Aai

Raat Yon Dil Main Teri Khoi Hui Yaad Aai
Jaisey Weraney Main Chupkey Sey Bahar Aa Jye
Jaisey Sehraon Main Holey Sey Chaley Bad-E-Naseem
Jaisey Beemar Ko Bey Wajah Qarar Aa Jye"