Suno Larki......!

Suno Larki......!
Abhi Tum Ishq Mat Karna
Abhi Gurria Say Khelo Tum
Tumhari Umar Hi Kya Hai
Faqat Satra Baras Ki Ho
Abhi Masoom Bachi Hai
Nahin Maloom Abhi Tum Ko
K Jab Yeh Ishq Hota Hai
Tu Insaan Kitna Rota Hai
Sitaray Toot Jatay Hain
Saharay Chot  Jatay Hain
Abhi Tum Nay Nahin Dekha
K Jab Sathi Bechartay Hain
Tu Kitna Dard Milta Hai
K Har Farqat K Mousam Main
Hazaroon Ghum Ubhartay Hain
Hazaroon Zakhm Khultay Hain
Suno Larki.....!
Meri Mano
Parhai Par Tawajo Do
Kitaabon Main Gulabon Ko
Kabhi Bhoolay Say Mat Rakhna
Kitabain Jab Bhi Kholo Gi
Yeh Kanton Ki Tarha Dil Main
Chubhain Gay Khun Bahain Gay
Tumhain Pehroon Satain Gain
Kisi Ko Khat Nahin Likhna
Likhai Pakri Jati Hai
Bari Ruswai Hoti Hai
Kisi Ko Phone Mat Karna
Sadain Dil Dukhati Hain
Woh Awazain Satati Hain
Meri Nazmain Nahin Parhna
Yeh Mehshar Utha Den Gi
Tumhain Pagal Bana Den Gi
Suno Larki.....!
Meri Mano
Apnai Taqdeer Say Tum
Khul K Mat Larna
Abhi Gurria Say Khelo Tum
Abhi Tum Ishq Mat Karna 

..............................................

Jo Gher Say Door Hotay Hain

Jo Gher Say Door Hotay Hain
Bohat Majboor Hotay Hain
Kabhi Baghoon Main Sotay Hian
Kabhe Chup Chup Kay ROTAY Hain
Gharon Ko Yaad Kartay Hain
To Phir Feryaad Kartay Hain
Magar Jo Be-Sahara Hoon
Gharon say Be-Kinarah Hon
Inhain Gher Kon Daita Hay
Yeh Khatra Kon Laita Hay.

Bari Moshkil Say Eik Kamrah
Jahan Koi Na Ho Rahta..
Nagar Say Paar Milta Hay
Bohat Baikar Milta Hay
To Phir Do Teen Hum Jaisay
Mela Laitay Hain Sub Paisay
Aur aa-pus Main Yeh Khtay Hain
Keh Mil Jul ker He Rahtay Hain
Koi Khana Banai Ga
Koi Jharoo Lagai Ga
Koi Dhoai Ga Sub Kapray
To Reh Lain Gay Baray Sukh Say

Mager Garmi Bhari Ratian
Tapish Aalodah SoGhatain
Aur Oper Say Ajab kamrah
Ghotan Aur Habs Ka Pehra
Thakan Say Choor Hotay Hain
Sukhon Say Door Hotay Hain
Bohat Jee Chahta Hay Tab
Kay MAAN Ko Bhaijh Day YA RAB
Jo Apni GOUD Main Lay Ker
Hamain ThanDi Hawa Day Ker
Sula Day Neend koch Ayse
Kay Totay Na Eik Pal Bhee

Magar Kuch Bhe Nahi Hota
To Ker Laita Hain Samjhoota
Koi Dil Main BELAKTA Hay
Koi Pehron SULAGTA Hay
Jab Apna Kaam Ker Kay Hum
Palet Tay Hain to ANKHEEN NUM
Makan VERAAN Milta Hay
Bohat Bay Jaan Milta Hay
Khushi MEDOOM Rehti Hay
Faza MEGHMOOM Rehti Hay

Baray RANJOOR Kyoun Na Hoon
Baray MAJBOOR kyoun Na Hoon
Awail Main Mahinay Kay
Sub Apnay Khoon Paseenay Kay
Jo Paisay Jorr Laita Hainnnn
Gharon Ko Bhaij Daitay Hain
Or Apnay Khat Main Likhtay Hain
Hum Apna Dehaan Rakhtay Hain
Bari KHUSHBAKHT Gheryan Hain
Yahan KHUSHEYAN HE KHUSHEYAN Hain
................................................................ 

Manzar hai wohi thathak rahi hun

manzar hai wohi thathak rahi hun
hairat se palak jhapak rahi hun

ye tu hai ke mera weham hai
band ankhon se tujh ko tak rahi hun

jaise keh kabhi na tha taruf
yun milate hue jhi-jhak rahi hun

pahchan main teri roshni hun
aur teri palak palak rahi hun

kya chain mila hai sar jo us ke
shanon pe rakhe sisak rahi hun

ik umar hui hai Khud se larte
ander se tamaam thak rahi hun
..........................................................

chirag mangte rehne ka kuch sabab bhi nahen

chirag mangte rehne ka kuch sabab bhi nahen
andhera kese bitayen ke ab to shab bhi nahen
mein apne zaum mein ek bazyaft par khush hon
ye waqia hai ke mujh ko mila wo ab bhi nahen
jo mere shair mein mujh se ziyada bolta hai
mein os ki bazm mein ek harf zair lab bhi nahen
aur ab to zindagi karne ke sau tareeqe hain
hum os ke hijr mein tanha rahe thai jab bhi nahen
kamal shakhs tha jis ne mujhe tabha kiya
khilaf os ke ye dil ho saka hai ab bhi nahen
ye dastaken ye meri zindagi ki adhi raat
hawa ka shor samajh lon to kuch ajab bhi nahen
ye dukh nahen ke andheron se sulah ki hum ne
malal ye hai ke ab subha ki talab bhi nahen
hisab dar badari tujh se mang sakta hai
gareeb shahar magar itna itna be adab bhi nahen
hamen bohat hai ye sadat-e-ishq ki nisbat
ke ye qabeela koii aisa kam nasab bhi nahen

...............................................................

woh janta tha

woh janta tha
bohat pasand hain barishen mujhe
aur isi liye
jate samey meri ankhon ko
de gaya hai sawan ka pata!

...............................

Mein Apna Aaj Apna Kal Tumhare Naam Karta Hoon
Mein Is Jeevan Ka Har Pal Tumhare Naam Karta Hoon

Mera Guzra Hua Kal To Mere Mazi Ka Hisah Hai
Mein Apna Aaj Apna Kal Tumhare Naam Karta Hoon

Khizain, Sardian, Garmi, Baharein, Barishein, JaRa
Mein Har Mosaam Ka Har Har Pal Tumhare Naam Karta Hoon

Tumhare Dukh, Udasi, Gham, Sabhi Ranj-o-Alam Lekar
Mein Yah Khushion Bhari Chagal Tumhare Naam Karta Hoon

Sitare Asmaan Ke Sab Tumhari Mang Mein Bhar Kar
Shaab-e-Tera Ka Sab Kajal Tumhare Naam Karta Hoon

Tumhare Bin Yah Har Aik Pal Mujahy Bechain Rakhta Hai
Mein Apna Dil Hai Jo Bekal, Tumhare Naam Karta Hoon

Barasta Bheegta Mosaam Hai Kamzori Meri Lakin
Mein Yah Sawan, Ghatta, Badal Tumhare Naam Karta Hoon

.................................................................................................

Kabhi Aansoo Kabhi Khushboo Kabhi Naghma Banker

Kabhi Aansoo Kabhi Khushboo Kabhi Naghma Banker
Hum Say Her shaam Mili Hai Tera Chehra Banker

Chand Nikla Hai Teri Ankh K Ansoo Ki Tarah
Phool Mehkay Hain Teri Zulf Ka Saya Banker

Meri Jaagi Hoe Raaton Ko Usi Ki Hai Talash
So Raha Hai Meri Ankhon Main Jo Sapna Banker

Dil Kay Kaghaz Par Utarta Hai To Sheron Ki Tarah
Meray Hontoon Pay Machalta Hai To Naghma Banker

Raat Bhi aaye To Bujhti Nahin Chehray Ki Chamak
Rouh Main Phail Giya Hai Woh Ujala Banker

Mera Kya Haal Hai Yeh A Kay Kabhi dekh To Lay
Jee Raha Hoon Tera Bhoola Hoa Vadah Banker

Dhoup Main Kho Gaya Woh Haath Chura Kar Anchal
Gher Say Jo Saath Chala Tha Mera Saya Banker

Kabhi Aanso Kabhi Khushboo Kabhi Naghma Banker
Hum Say Her Shaam Mili Hai Tera Chehra Banker

...................................................................

Kaho In Bolti Ankhon Se K Khamosh Ho Ja-ain

Dhala Hai Chand, Lo Akhir-e-Shab Hai Ab So To Ja-ain
Kaho In Bolti Ankhon Se Ke Khamosh Ho Ja-ain

Andheri Raat Mein Roshan Sitara Kis Ne Dekha Hai
Samundar Ke Safar Mein Haan Kinara Kis Ne Dekha Hai
Sanbhal Jaa Aae Dil Ke Tumhein Samjhaaye Jaatey Hein
Kaheen Aisa Na Ho Hum InKi Gehraai Mein Kho Ja-ain

Kaho In Bolti Ankhon Se K Khamosh Ho Ja-ain

Yeh Chaha Kub Tha InKi Aseeri Chore Jana Hai
Magar Kismat Mein Likha Tha So Likha Tha Hum ne Mana Hai
Humein Aise Jo Dekhain Gay To Ab Bhi Na Pa-ain Gay
Na Paas aao Ke Jaatey Wakt Hum Qurbat Pe Ro Ja-ain Gay

Kaho In Bolti Ankhon Se K Khamosh Ho Ja-ain

Humara Muskra Kar Alwida Kehna Inhe Bhaaya
Magar Yeh Kia Abhi Se In Mein Saawan Utar Aaya?
Inhe Rooko Humare Dil Ka Yun Na Imtihaan Lain Ab
Yeh Baadal Ab Kaheen Mun Ko Humare Na Bhigo Ja-ain

Kaho In Bolti Ankhon Se K Khamosh Ho Ja-ain

................................................................................