us mor se shuruu karen phir ye zindagii

us mor se shuruu karen phir ye zindagii
har shay jahan hasiin thii, ham tum the ajanabii

lekar chale the ham jinhen jannat ke Khvaab the
phuulon ke Khvaab the vo muhabbat ke Khvaab the
lekin kahan hai un mein vo pahalii sii dilakashii

rahate the ham hasiiin Khayaalon kii bhiir mein
ulajhe hue hain aaj savaalon kii bhiir mein
aane lagii hai yaad vo fursat kii har gharii

shaayad ye vaqt hamase koii chaal chal gayaa
rishtaa vafaa kaa aur hii rangon mein Dhal gayaa
ashkon kii chandanii se thii bahatar vo dhuup hii 

........................................................

Chalo Is Shaam Koi Or Hi Qissa Sunatey Hain

Chalo Is Shaam Koi Or Hi Qissa Sunatey Hain
Chalo Is Shaam Us Ko Hum Sirey Sey Bhool Jatey Hain
Chalo Is Shaam Koi Aney Wala Khawab Buntey Hain
Chalo Is Shaam Hum Kaliyan Nahi Kanton Ko Chuntey Hain
Chalo Is Shaam Jashn-E-Tergi Hans Ker Manain Hum
Chalo Is Shaam Us Ko Phir Sirey Sey Bhool Jyen Hum

.....................................................

jiss chiragH ko apney dam sey jalayaa hai

jiss chiragH ko apney dam sey jalayaa hai
ussi chiragH ney mera aashiyaaN jalayaa hai
bachaya tha jissko hawa key aik jhoNkey sey bhi
ussi ney aaj mujhey, tufaan meiN phaNsaaya hai
DarooN kyoN naH ab chiragHoN sey maiN keH
ik jalaa tha merey ghar ab raqeeb key ghar ujalaa hai
jism par jalney keH nishaan aur daaman par kaaley daagH kaiee
chiragHoN ki sohbat meiN bas mainey yahi paaya hai

Aey dil-e-tabah too

Aey dil-e-tabah too
khawahishon key raston per
kya falah paey ga
is jahan key hangamey
too samajh na paey ga
aisey main mitt hee jaey ga....

barf kee chitaano main
ishq kee tapish kahan
munjamid hawao main
parwaz ka hasil kahan
woh shakhs teek kehta hay

jahan main jitney dil dukaaey ga
utna sakoon paey ga
per too yeh bhee ker na paey ga

teree is dasht nawardee main
jo aik sarab aaya hay
jub paas us key jaey ga
to kuch bhee too na paey ga
pir too usey bulaey ga
aur yeh bhee ker na paey ga
aey dil-e-tabah too
khawahishon key raston per
kya falah paey ga

......................................

wisaal-o-hijr me

wisaal-o-hijr me
ya khwab se mahroom aankhon me
kisi ahd-e-rifaqat me
ke tanhai ke jangal me
khyal-e-khal-o-khad ki roshani ke gahre baadal me
chamkti dhoop me ya phir
kisi be abr saye me
kahin baarish me bhige jism-o-jaan ke nasrparon me
kahin hoton pe shairon ki mahaktie aabsharon me
chiraghon se saji shaamon me
ya benoor raaton me
sahr ho runuma jaise kahin baaton hi baaton me
koi lipta hua ho jis tarah
sandal ki khushboo me
kahin pe titliyon ke rang tasweeren bana te hon
kahin pe jugnuon ki muthiyon me roshani khud ko chupati ho
kahin kaisa hi manzar ho
kahin kaisa hi mausam ho
tere saare hawalon ho
teri saari misalon ko
muhabbat yaad rakhti hai 
.....................................................

Hath ki lakeeron mein

Hath ki lakeeron mein
Kaya talash kartey ho?
In fazool baton mein
Kis liye ulajhtey ho?
Jisko milna hota hey
Bin lakeer dekhey hi
Zindagy key raston per
Sath sath chalta hey
Phir kahan bichharta hey
Jo nahi mukaddar mein
Kab hamein wo milta hey
Kab wo saath chalta hey
Hath ki lakeeron mein
Kaya talash karty ho?

.........................................

Bay zameen logon ko

Bay zameen logon ko
bay qarar ankhon ko
badnaseeb qadmo ko
jis taraf bhi lay jain
raston ki marzi hay

bay nishan jazeeron par
badguman shahron mein
bay zuban musafar ko
jis taraf bhi bhatka dain
raston ki marzi hay

rok dain ya bharnay dain
thaam lain ya girnay dain
wasal ki lakeeron ko
toor dain ya milnay dain
raston ki marzi hay

ajnabi koi laa kar humsafar bana dain
saath chalnay walon ki raakh bhi ura dalain
ya musaftain sari
khaak mai mila dain
raston ki marzi hay

............................................

is waqt tau yoon lagta hai k kuch bhi nahin hai

is waqt to yoon lagta hai k kuch bhi nahin hai
mehtaab na sooraj, na andheira n saweira
ankhoon ke dareche mein koi husn ki chilman
aur dil ki panahoon mein kisi dard ka dera
shayad woh koi wehm tha mumkin hai suna ho
galyoon mein kisi chap ka ik aakhri pheira
shakhoon mein khayalon ke ghane pair ki shayad
aab aa ke karey ga na koi khwab basera

ab bair na ulfat na koi rabt na rishta
apna koi tera na paraya koi mera
mana ke ye sunsaan ghari sakht kari hai
lekin mere dil ye tu faqt ik hi ghari hai
himmat karo jeene ko to ik umr pari hai

.......................................................................

mujhey zindagi ki dua na do

merey mohsinon merey doston mujhey zindagi ki dua na do
main to pyar ke qaabil nahin mujhey dil mein itne jagah na do

mujhey shauq-e-zeest na rahaa mujhey zindagi ne diya hai kya
maiN muroon yeh mujh ko haq to hai, main jiyun yeh mujh ko sazaa na do

woh baney thay merey jo humsafar wohi chal diye mujhey chor keh
main jahan se aaya hoon ghamzada, mujhey phir waheen se sadaa na do

is zindagi ki shaam ka, mujhey dar tha is anjaam ka
mujhey aik ansoo ki tarah kaheen aankh se tum giraa na do

ALMAS is dayaar mein ik saya-e- diwaar main
main jo so gayaa hoon chain se mujhey neend se phir jaga na do

.........................................................................